|
|
Vol. 2
Biahmaitthi
Mifim Bia uk hnihnak chuah kho dingin lam a kan hruaitu Pathian
kan thangtthat.
Fimnak hi hngalhtheihnak nih a man a sunlawiter. Hngalhtheihnak cu kanmah nih
kan ton hlan ah cun cauk chung lawngah hmuh khawh a si. Cucaah, hngalhtheihnak
lam a kan sialpiaktu dingah Tryon Edwards nih a khawmhmi The New Dictionary
of Thoughts timi cauk chung ta kha kan si khawh tawk in kan vun leh.
Mifim hna bia rel cu anmah he biaruah a si ko. Anmah he biaruah cu kan sining
kan hmuhter uh ti tluk a si. Kanmah le kanmah zeidah kan si ti hngalh hi tangka
nih a cawk khawh lomi thil man sung a si. Mah le mah hngalhnak nih kan herhmi
a kan chimh. Kan herhmi hngalhnak nih minung tling a kan siter lai.
Hornbill nih a saduhthah cu hi cauk relnak in zeimaw tal kan sining, kan dirhmun
le kan khuaruah ning kan sersiam deuh seh ti hi a si.
Hi cauk chuahnak ah a kan bawmtu le careltu nan dihlak cungah lunglawmhnak roca
kan ttial. Hi cauk hi mi kip nih kan rel khawh nakhnga a zuarnak in a kan bawmtu
ramchung ramleng nan dihlak cungah kan lunglawmhnak a sang khun. Kan bawm rih
ko uh.
Hornbill
Editor in Chief:- Duh Sang
Editors
: Rollin Chan Lian
: Chan Chum Hei
: Chan Bik Lian
: Thomas Cung Bik
Editor
Hornbill
Yangon (October 2003)
* * * *
--------------------------------------------------------------------------------
Hornbill Mifim bia Vol. 1
5