|
|
A hmaan lomi a lianngan kho bal lo.
{Samuel Johnson}
A liannganmi hi an ttha dih zungzal tawn lo. Asinain, a tthami cu an lianngan
dih.
{Demosthenes}
A miphun a dawmi hna hi mi lianngan bik an si zungzal. Midang cungah zumhnak
ngeih le dawtnak ngeih hi lianhngannak i hmelchunhnak an si.
{Ralph Waldo Emerson}
A nunzia a ttha taktak lomi cu mi lianngan taktak an si kho bal rih lo.
{Benjamin Franklin}
A tumtahmi a tuah khotu cu mi lianngan a si. A tuah khawh hngami a tumtahtu
cu mifim a si.
{I Fland}
Amah caah bawi (aa uk khomi) a simi cu mi lianngan a si. {Joseph Hall}
Dawtnak le zaangfahnak a ngei lomi cu zeitik hmanhah mi lianngan, mi sunglawi
an si bal lo.
{Robert South}
Kan nun chung ah hin mi lianngan zong tampi kan hmuh hna i mittha zong tampi
kan hmuh hna. Asinain, tthatnak le lianhngannak a kemhmi cu mi tlawmte lawng
an si.
{Caleb C. Colton}
Lianhngannak cu tthawnnak ah si loin tthawnnak hmaante in hmannak ah a um.
{Bryant}
Mi lianngan an i nuamh lo hi midang nih an hngal hna lo. Anmah lawng nih an
i hngalh.
{Edward Young}
Mi lianngan hna hi kanmah naih i an um tikah an lianhngannak a zeimaw zat cu
an thlau.
{Letilia Elizabeth Landor}
Mi lianngan nih an lianhngannak kha a hmaan lo ning in an hmang bal lo.
{Jean Jacques Rousseau}
Mi lianngan pawl nih an lianhngan caah thil lianngan an tuah hna. Mihrut pawl
nih an hruh caah zei ah an rel hna lo.
{Luc de Clapiers Vauvenargues}
Mi lianngan si a duhmi nih lianhngannak kha philh sehlaw biatak kha kawl seh,
cun an pahnih in a hmuh hna lai. {Horace Mann}
Mittha taktak a si lomi cu mi lianngan a si lo.
{William Shakespeare}
Ram pakhat i a lianhngannak cu a ngeihmi thil (hman rih lomi) ah si loin, aa
tinhmi, a lungput, a tuaktan khawhnak le a ziaza cung tu ah aa bunhmi a si.
{Jame Mason Hoppin}
Vawlei hi mi lianngan lo in a nung kho lo. Asinain, mi lianngan hna hi vawlei
caah hnahnawhnak petu taktak an si.
{Johann Wolfgang von Goethe}
* * * *
--------------------------------------------------------------------------------
Hornbill Mifim bia Vol. 1
5