|
|
Biatak hnarcheu aa telmi lihbia cu a nak bik a si.
{Lord Alfred Tennyson}
Hlen kan si lo kanmah le kanmah kan i hleng.
{Johann Wolfgang von Goethe}
Lihchim cu ralchiatnak a langhnak a si.
{Thomas Southern}
Lih le hrokhrol hi thil ttha lo bik an si. Pathian kha a ttih lo, cun minung kha
a ttih hna.
{Plutarch}
Lihbia chimnak thawngin mi pakhat nih a hmuhmi cu biatak a chim tikah zumh ti
lonak a si.
{Aristotle}
Lihbia cu hawrhra bawlung bantuk a si. Hrilh deuh ah a ngan deuhdeuh.
{Martin Luther}
Lihbia cu hrawkhraltu i a nu a si.
{M. Gandhi}
Lihbia cu pakhat nih pakhat a hrin chin, mi pakhat nih a chim sual ahcun a dang
zong a chim chap a hau. Cucu a sualnak dantatnak a si.
{Francis Jacox}
Lihbia kaa khat chim cu a fawi ko nain kaa khat lawng chim bel cu a har.
{Thomas Fuller)
Mi pakhat nih lihbia a chim ahcun, cu a chimmi cu philh lo tein aa cinken a
herh.
{Pierre Corneille}
Midang mithmuh ah ka man kai deuh seh tiah amah le amah aa thangtthatmi kha lihbia
nih a thli in a rak bawh.
{James Gordon Bennett}
Nangmah le nangmah zong i hleng hlah, midang zong hleng hna hlah law Pathian
zong hleng hlah. Hlen le lihbia chim cu miralchia pawl tuahmi a si.
{George Herbert}
Ngakchia pakhat kha hlenthawinak he aa pehtlaimi thil zeitikhmanh ah hmuhter
awk a si lo.
{Confucius}
Ruahnak zeihmanh a ngei lomi mibu cu lih le hrokhrolnak nih a hruai hna i khua
hmu loin an vak.
{Lucretius}
Vawleicung sualnak hnarcheu hi ralchiatnak in an chuak. Lihbia chim a ttihmi
nih cun a dang zeihmanh a ttihmi a um lo.
{James A. Froude}
* * * *
--------------------------------------------------------------------------------
Hornbill Mifim bia Vol. 1
5