|
|
A lawm bikmi cu thilttha kha mi theih loin tuah i cu thil cu ruah
lo piin hun hmuh khi a si.
{Rudyard Kipling}
A nunnak a donghnak le a hramthok a pehtlaihter khomi cu mi lunglawm bik a si.
{Johann Wolfgang Von Geothe}
Aa lawm bikmi nu hna le aa lawm bikmi miphun hna nih tuanbia an ngei lo.
{George Eliot}
Kaa lawm tiah aa ruat lomi cu ahohmanh an i lawm lo.
{Marcus Antoninus}
Kan pumsa duhnak va tlinternak [va tuahnak] nakin i sumnak [rikhiah piaknak]
nih lawmhnak a kan pek deuh.
{John Stuart Mill}
Lawmhnak langhternak ah a ttha bikmi cu daite in um hi a si. Aa lawmhning a chim
khomi cu tlawmte lawng aa lawmh caah a si.
{William Shakespeare}
Lawmhnak cu pawpi nih a tuah.
{Francois Marle de Voltaire}
Lawmhnak taktak hmuh na duh ahcun nangmah le nangmah kha naa philh a hau.
{Edward George Bulwer-Lytton}
Mittha bik khi mi lunglawm bik an si i mi lunglawm bik khi mittha bik an si tawn.
{Lao-Tze}
Nangmah tluk in a vaan a ttha lomi sinah naa lawmhnak va chim hlah.
{Plutarch}
Lawmhnak cu palep bantuk a si. Na dawt ahcun na phak cham te ah a um zungzal
lai. Asinain, daite in na tthut ahcun na cungah aa fu lai.
{Nathaniel Hawthorne}
lawmhnak hi a fawi ko. Asinain, midang nakin aa lawm deuhmi si kan duhnak ruangah
hin a harnak a si. Midang khi an sinak leng in an i lawm deuh rua tiah kan ruah
tawn hna.
{Charle Forbes Montesquicu}
Lawmhnak kha fak tukin kawl hlah law, nuamh lo zong kha ttih tuk fawn hlah.
{Lao-Tze}
Lawmhnak le fimnak an i dannak a um. Kaa lawm bik rua tiah aa ruatmi cu aa lawm
bik taktak. Asinain, ka fim bik tiah aa ruatmi cu mihrut bik an si tawn.
{Cabeb C. Colton}
Lawmhnak cu kawl law na hmu lai lo. Riantu ttuan law thladem cu nika he an rat
bang khin lawmhnak cu amah tein a ra lai.
{Tryon Edward}
* * * *
--------------------------------------------------------------------------------
Hornbill Mifim bia Vol. 1
5