|
|
A thin a hung kho lomi cu mihrut a si. A thin aa hunter lo tu
cu mifim a si.
{Old Proverb}
Amah a tthawnnak chung i a um khomi cu a tthawng bik a si.
{Lucius Seneca}
Amah le amah aa uk khomi, a duhnak, a ttihnak aa tei khomi cu siangpahrang nakin
a lianngan deuh.
{John Milton}
Amah le amah nawl aa pe kho lomi cu miluat a si lo.
{Pythagoras}
Amah le amah nawl aa pe khomi nih midang zong nawl a pek khawh ve hna.
{William Hazlitt}
Dohnak vialte lakah hin mah le mah i tei dingin i dohnak nakin a har deuhmi
a um ti lo.
{Thomas a??Kempis}
Kan pum hi kanmah zohkhenhnak tang i a ummi mizaw bantuk a si awk a si. A duhmi
santlai lo thil hna kha pe loin, a duh lomi a damnak hnga thil tu kha kan hnek
chih awk a si.
{St. Bernard}
Lungthin tthawng caah a herh bik a si nain a har bikmi thil pakhat cu mah le
mah aa uk khotu si hi a si.
{Joseph Addison}
Mah le mah i uk khawh, duhnak i tei khawh hi thangtthat awk tlak taktak a si.
Zeicaahtiah mi tlawmte lawng nih an tuah khawh.
{Francesco Guiccardini}
Midang kha a uk khawh ko zongah amah le amah aa uk kho lomi cu uktu ah aa tlak
lo.
{Johann Wolfgang Von Gothe}
Na taksa cu na thlarau nawl ngeihter law na thlarau cu na Pathian nawl ngeihter.
Uktu siding ah naa uk a herh.
{St. Augustine}
Pathian le a vanmi hna hmuhnak ah mah le mah i teinak hi duh a nung bikmi a
si.
{Arthur P. Stanley}
Zeibantuk a cozah khi dah a ttha bik an si? Kanmah tein aa uk kho dingin a kan
cawnpiaktu khi cozah ttha bik an si ko.
{Johann Walfgang Von Goethe}
* * * *
--------------------------------------------------------------------------------
Hornbill Mifim bia Vol. 1
5