|
|
A kan hringsortu kan pupa hna cu thir chan [Iron Age] ah an rak
nung, sui chan cu kan hmai chan ah a um.
{William Mason}
Hi ruahchannak nih hin thil duh a nunter. Vancung hmanh hi a sining hngal u
si law vancung a lo hnga lo.
{Sir John Suckling}
Kan kut cung i a um rih lomi thil tluk in zeithil hmanh an ttha lo.
{George Eliot}
Kan ngeihmi lakah a ttha bikmi cu ruahchannak a si. Ruahchannak lo in a ummi
nakin a vachia deuhmi an um ti lo.
{William Hazlitt}
Lungretheimi nih si phun khat lawng a ngeih, cucu ruahchannak a si.
{William Shakespeare}
Minung ah a kan cantertu hi ruahchannak a si.
{Lord Alfred Tennyson}
Minung nih vawlei cungah kan tuahmi thil hna hi ruahchannak thawngin kan tuahmi
an si dih.
{Martin Luther}
Ruahchannak a um lo ahcun zeihmanh zuam a si lo.
{Samuel Johnson}
Ruahchannak cu aa chokmi [lam a kal liomi] mang a si.
{Aristotle}
Ruahchannak cu aa hlaumi hna mang a si.
{Matthew Prior}
Ruahchannak cu thaithawh ttha a si ko nain zaanriah ttha lo a si.
{Sir Francis Bacon}
Ruahchannak hi mah le mah i hlennak a si. Aho nih dah thlitu le thla cu an tlaih
khawh lai.
{Victor Hugo}
Ruahchannak hi minung caah lawmhnak ngan bik a si.
{Leopold Schefer}
Ruahchannak hi nunnak a si i nunnak hi ruahchannak a si.
{Adele Shreve}
Ruahchannak hin nifatin te hlen kan si.
{Oliver Goldsmith}
Ruahchannak lawngin a nungmi cu hnabeidonghnak in a thi lai.
{Italian Proverb}
Ruahchannak lawnglawng hi aa tluk cio in kan ngeihmi thilttha a si. Zeihmanh
a ngei ti lomi zong nih ruahchannak cu an ngeih rih ko.
{Thales}
Ruahnak a niammi sinah a nganmi ruahchannak na chia kho lai lo.
{Jenkin Lloyd Jones}
Zeihmanh a tuah ngam lomi nih cun zeihmanh aa ruahchan ngam ding a si ve lo.
{Friedrich Schiller}
Zeithil hmanh ah hnabeidonghnak in i ruahchannak a ttha deuh.
{Johann Wolfgang von Geothe}
* * * *
--------------------------------------------------------------------------------
Hornbill Mifim bia Vol. 1
5