|
|
A hleihluat a simi cu zeihmanh a ttha lo. Cu lakah cun zuu hi a
ttha lo bik a si. Zuu a rimi cu minung a si ti lo. Zeicah tiah minung le saram
kan i dannak khuatuaktan khawhnak kha a thlau cang.
{William Penn}
Cauh khatnak cu ngandam tertu, cauh hnihnak cu nuamh tertu, cauh thumnak cu
ningzah tertu a si i cauh linak cu hruhtertu a si.
{Anacharsis}
Japan miphun nih, ??Mi pakhat nih zuu a din, cun zuu nih zuu a din i a hnu bik
ah cun zuu nih a dingtu kha a din,??an ti.
{Semuel Johnson}
Midang he kan i lawh lo caah zuu ka ding lo, midang cu nikhat lawng a nguh hna,
kei cu nithum a ka nguh. Nikhatnak ah a ka sualter, nihnihnak ah a ka fahter
i nithumnak ah a ka ngaihchihter.
{Lawrence Sterne}
Wine nih zeihmanh a chuahpi lo, bialo le bialo chimtertu le biathli a phuang
dihtu lawng a si.
{Friedrich Schiller}
Zuu hi amah te cun thil ttha a si ko. Mithi thutter lonak ah zuu tluk a tthami
a um lo. Mithi kha tthutter lo na duh ahcun zuu chungah va ciah, cun mi a nungmi
thah na duh ahcun a chungah zuu va rawn.
{Thomas Guthrie}
Zuu kong sermon vialte lakah zuuri hmuh hi sermon tha bik a si.
{J. F. Saville}
Zuu nih sualnak a chuahpi lo hi ka hmu tuk lo.
{Judge Coleridge}
Zuu thawl chungah khin lungtlin lonak nih hnangamnak a kawl, ralchiatnak nih
raltthatnak a kawl, ningzahnak nih i zumhnak (raltthatnak) a kawl, ngaihchiatnak
nih lunglawmhnak a kawl i an dihlak in an hmuhmi cu rawhnak a si.
{Adam Clarke}
Zuu zuarnak kha banzung ah naa serh ahcun na tangka na chiahmi a tlau, na caan
a tlau, na ziaza a tlau, na minung sinak a tlau, na chungkhar daihnak a tlau,
nangmah le nangmah i teikhawhnak a tlau, na fale nuamhnak a tlau, cun na thlarau
a tlau.
{John B. Gough}
Zuuri cu sualnak tuah dingah lethmat (degree) a ngah cangmi an si.
{Francis Quarles}
Zuuri nih sualnak a tuah lo. Asinain amah hrimhrim kha sualnak a si cang.
{Saint Augustine}
Zuurit camcin nak khi sualnak vialte i hmanthlak a si.
{Douglas Jerrold}
Zuurit hi zeidang cu a si lo lungthawh hruhnak a si.
{Lucius Annaeus Seneca}
^^ A Dihcang ^^
* * * *
--------------------------------------------------------------------------------
Hornbill Mifim bia Vol. 1
5