|
|
FIMNAK
Back
Thil anmah le an man lio a hngalmi hna cu mifim an si.
{William Ralphinge}
Mihrut nih an phorh khawh ko lai. Asinain mifim lawnglawng nih zeitindah a lam kan tawiter lai ti an hngalh.
{Joseph Conrad}
Mifim hleihnih nih suimilam pakhat chung an leh khawhmi nakleng in mihrut nih
minute pakhat ah tam deuh an hal khawh hna.
{Lenin}
Fimnak cu a tlawmbikmi bia he an kal tti.
{Sophoiles}
Zeitindah fimnak cu a si? Cucu thil fate kha zeitindah hngalh khawh a si lai
ti kha hngalh le mi an palhnak kha hmuh i mah palhmi bantuk in i laak khawh
kha a si.
{Pope}
Mihrut pa chankhat nak in mifim pa nikhat man a ngei deuh.
{Arabic}
Atu chan i fimnak cu hnu chan caah hruhnak a si.
{Priestly}
Fimnak kan timi cu hngalhmi a hman thiam kha a si ko. Hngalh cu fim a si lo,
micheu cu tampi an hngalh ko, cu ruang ahcun mihrut bik ah an cang. Thil tampi
a hngalmi mihrut nak in a hrut deuhmi an um lo, Asinain hngalhmi kha zei tindah
ka hman lai ti hngalh cu fimnak ngeihnak a si.
{Spurgeon}
Paw chung i zeihmanh a um lo ahcun fim khawh a si lo.
{George Elcot}
Mifim hi tthenhnih in an um. Pathian a hmuh cang caah amah Pathian rian a ttuanmi
le Pathian a hmuh rih lo caah a kawlmi an si.
{Cecil}
Fimnak nih chiatnak a rat sual ah tiin aa tim chung, hruhnak nih a rat tikah
a zaam tak.
{Cecil}
A tlangpi in, zeihmanh lo bik i aa ruatmi cu mifim bik a si.
{Boileau}
Mifom bik ah aa ruatmi cu mihrut bik cem a si.
{Colton}
Fimnak hmannak ah a ttha bikmi cu hngalh awk hngalh le tuah awk ah a ttha bikmi
tuah kha a si.
{Humphrey}
* * * *
--------------------------------------------------------------------------------
Hornbill Mifim bia Vol. 1