|
|
Hawikom timi cu pumhnih lungkhat a si.
{Aristotle}
Ral a ngei lomi cu hawikom a ngei lo.
{Al Tennyson}
Hawikom timi cu mi sin i a lung a thiangmi kha a si.
{R.W.Emerson}
Vantthat can si loin vanchiat can hi hawikom tahnak cuai a si.
{Plutarch}
Hawikom si cu lungthin i tthumh a si.
{Voltaire}
Mipakhat i a hawikom ttha bik cu a kut dong pahra hi an si.
{Cecil}
Thil na duhmi, naa nuamhnak hna cu thleng ko hna. Asinain hawikom cu i thleng
hlah.
{Voltaire}
Zumhnak awktlakmi hawikom pathum an um. Cu hna cu nupa tar, Uico tar le Kutcung
i a ummi tangka an si.
{Franklin}
Pathian ral a simi cu hawikom yha a si kho bal lo.
{Young}
Nu i hawikomhnak cu duhnak in a dong.
{John Gay}
Ka hawikom hi an si a fak nain an dingfel.
{W. Shakespeare}
Hawikom hlun pakhat ngeihnak ding caah saupi a rau.
{John Leonard}
Ral i hnamhnak in hawikom i thongh a ttha deuh.
{Thomas Becket}
Hawikom hna hi sifah le vanchiat ton tikah dornak ttha bik an si. No lio ah
thil har le thil tthalo an kan dawi piak. Tar tikah a kan hnemtu le kan santlaih
lonak aa hrawmmi an si. Thil ttha tuahnak dingah kan lung a kan thawhtertu le
a kan ngamh tertu an si.
{Aristotle}
Nangmah lawng na umnak ah na palhnak an chimtu cu na hawikom ttha a si kha
va philh hlah. Zei cahtiah na duh lomi kha a tuah ngam in a huatmi kha an chimh
ngam. Hihi a ing khomi an tlawmte. A ruang cu, mitam deuh nih thangtthatnak
lawng an duh. Cucu vawlei (Mizapi) a hamhtu hruhnak a si.
{Sir. W.Ra. Leigh}
Ralring te le fimkhur te in a ummi hawikom ngeih nak in a nuam deuhmi le a
sunglawi deuhmi a um ti lo.
{Euripides}
Aa lawmmi na hawi le sin kalnak in ngaihthiahnak a tongmi na hawi le sin kal
ding ah na khulrang ko.
{Chilo}
Thilri le ngeihchiah in hawi va seh hlah, na pek lo tikah an daw ti lai lo.
{Cyrus}
Ruahnak ttha lo in hawikom sinak cu zinglei thladem bantuk a si caah duhsah
tein a zor chin lengmang. Ruahnak ttha in hawikom sinak cu zanlei thladem bantuk
a si. Nunnak nika a pil dih tiang a tthang chin.
{Fuller}
Zeihmanh tuaktan set loin bia a chimmi le thil a tuahmi hawikom tluk ttihnungmi
an um ti lo. Cu pa nakcun ralring tein a ummi kan ral hmanh duh deuh awk an
si.
{La Fontaine}
Hawikom diklo pawl cu kan thladem he an i lo. Niceu lak kan kal tikah kan pawng
tein an kali muihnak kan kal tikah an tlau.
{Bovee}
Hawikom cu amah te in ceunak a ngeimi thil bantuk an si. Pawngkam a muih dih
tikah a ceunak a fiang chin.
{Crowell}
A kan upat tu nak in a kan dawtu hna khi kan hawile an si. Rian nganmi kan
ttuan tikah a kan bawmh.
{Channing}
Hawikom sinak hi duhsah tein a si awk a si. Hawikom si cang hnu balte ahcun
fek tein pehzulh ding a si.
{Socrates}
Hawikom sungh cu kutke sungh bantuk a si. Caan nih a hma cu a damh ko nain
sungh cangmi cu hmuh tthan khawh a si ti lo.
{Southey}
Ka hawi le caah cun ka tuah ngam lo awktlak in a nganmi thil a um lo. Tuah
awk ah kaa nautat mi thil hmete zong a um fawn lo.
{Sir. P. Sidney}
Hawikom ttha ngeih cu Pathian laksawng a si.
{South}
Hawikom ca i thih hi a harmi a si lo nain thihhnawh phu hawikom hmuh hi a harmi
a si.
{Home}
Tlamtlin lonak hme tete aa ngaithiam kho lomi cu saupi hawikom an si kho lo.
{Bruyere}
Nangmah nakin a ttha deuh lomi cu hawikom ah va seh hlah.
{Confucius}
* * * *
--------------------------------------------------------------------------------
Hornbill Mifim bia Vol. 1
5