|
|
Mihrut pa nih hmanung bik i a tuahmi thil cu, mifim pa nih cun hmasa bik ah
a tuah.
{Spanish Maxin}
Mihrut cu thil paruk in hngalh khawh a si. A ruang lo ah thinhun, tthathnemnak
a ngei lomi biachim, tthanchonak a umlo nain i tthial, tinhmi ngei loin biahal,
hmuh bal lomi kha zumh, a ral kha hawikom ah palh.
{Arabian Proverb}
A hung rummi mihrut nak in ngaihthiam awk a ttha lo deuh mi a um ti lo. Rumnak
nih a hun thlen dih cikcek a hawi hlun hna kha a hlawt dih hna i a thar sinah
aa kep.
{Cicero}
Mihrut nih amah a upattu ah amah nakin a hrut deuhmi kha a kawl tawn hna.
{Boileau}
Kum sawmlo a si ah a hrut rih ko mi cu mihrut taktak a si.
{Young}
Mino hna nih tar pawl kha mihrut ah an ruah hna, tar pawl nih cun mino hna
cu bantuk an si cu an hngalh hna.
{Melcalf}
Mihrut dah ti lo cu a zungzal a hmanmi an um lo.
{Hare}
Mihrut pa nih a angki leng cu sui in dawh tein a ttamh men ko lai, asinain
mihrut angko a si rih ko.
{Rivalrol}
Mihrut nih a hnakhaw nakin a hruhnak aa hmu kho lo deuh.
{Thai Keray}
Meilah fung bukhat i an um bantuk khin mihrut zong hmunkhat ah an i but awn.
{Shenstone}
Cauk fimnak (Bookish knowledge) a ngeimi mihrut cu a haarmi hriamnam aa kenmi
ngakchia bantuk an si. Anmah le anmah an i hliam, midang kha fahnak an pek hna.
{Zimmerman}
Mihrut pawl hi a zungzal in ka ttih hna, miru an si lai lo tiah a ho nih dah
a ti khawh lai.
{Hazlitt}
Mifim pawl zong khi mihrut pawl nak tlawm lo hruhnak an ngei ve ko. Aa dannak
balte cu hihi a si: mihrut pawl an chung i aa thupmi an hruhnak cu minih an
hmuh i mifim pawl i an hruhnak cu anmah nih an hmuh i minih an hmu lo.
{Colton}
* * * *
--------------------------------------------------------------------------------
Hornbill Mifim bia Vol. 1
5