RUMNAK

3

A hmanmi nakin a hmuhmi a tam deuhmi cu mirum a si.
{Breyere}

Rum hi nunnak ah a herh bik a si lo. A herhmi thil pakhat lawnglawng a si.
{H.W.Beecher}

A ngeitu nih a rumnak kha a hman lo ahcun, rumnak tu nih a ngeitu kha a hman tawn.
{Q.H.Flaccus}

A ngeihmi leng in zeihmanh a duh ti lomi cu mirum a si.
{Lucretius}

Ngeihchiah tamtuk ngeih cu bawi tamtuk ngeih bantuk a si.
{L.A.Seneca}

Rum ngeihnak paohpaoh hi rianttuannak in aa thawkmi a si.
{John Locke}

Kan rumnak hi kan ngeihmi cungah si loin kan duhmi a tlawmnak cung ah a ummi a si.
{J.Brotherton}

Rumnak cu harnak petu pakhat chung lawnglawng in a luat - sifahnak chungin.
{Johnson}

Ngeihchiah a thli in a khon luaimai i a hmang ttung lomi cu sui a phor ko nain, hling a ttam mi rang he an i lo.
{Burton}

Rumnak hi porhlawt ruamkainak lam sial piaktu ttha a si.
{Addison}

Rumnak nih hin a ngeitu kha a rumter tawn lo. Hihi kan hngalh tawn lomi, rumnak nih i zaat a ngeih khawh lo nak thil pakhat a si.
{Johnson}

Thil tlawmte ah aa lungsak khomi cu a rum bik a si. Zeicah tiah cun lungsi hnangamnak hi vawlei sining nih a ngeihmi rumnak a si.
{Socrates}

Mi pakhat nih a ngeihmi kho zoh in ka rum, ka si a fak tiah a ti kho lo. A rum tertu, a si a fah tertu cu a lungthin a si. A ngeihmi thil a si lo.
{H.W.Beecher}

Rum ngeihnak nihhin kan ngeih tik i a kan nuamh termi nakin kan sungh tik i kan lung a kan fah termi a fak deuh.
{Gregory}

Rumnak cu a ngeitu cungah si loin aa nuamh pitu cungah a ummi a si.
{Franklin}

Rum cu tthawnnak, zalonnak le luatnak petu a si ahcun thilttha ngaingai a si.
{J.R.Lowell}

Va hnem hlah kan ti tikah hin tangka le thilri na duh paoh in va hmang ko tiah kan tinak cu a si lo.
{Horace}

Rumkhawhnak ahhin ral tthat taktak le i ralrin taktak a hau. Na hun hmuh (rum) tikah na kilkawinak ah a let hra in raltthat le i ralrin a herh.
{Roths Child}

Mirum nih thil tuah khawhnak tthawnnak an ngeih. Cucu thil tthalo tuah khawhnak zong a si i, thil ttha tuah khawhnak zong a si.
{A.S.Roe}

Hngalhnak nih minung a hngalhmi a tlawm tuk kha ahngalh i rumnak nih vawlei ah nuamhnak tlawmte lawng a um kha a hngalh.
{Young}

* * * *
--------------------------------------------------------------------------------
Hornbill Mifim bia Vol. 1
5