|
|
Sifah hi tlawmte ngeih khi si lo in, tampi ngeih lo tu khi a si.
{L.A.Senech}
Sifahnak hi zahpi awk a si lo nain minung harnak a pe taktak tu a si.
{Sydney Smith}
Sifahnak cu mittha lo pa thin a chiat tertu, mittha pa a hrawktu, miporhlaw
pa chiat a ser tertu le ngaihchia lungdeu in a ummi pa a hrengtu hri a si.
{Bulwer}
Sifahnak hi zahpi aw a si lo nain thathutnak, i sum lonak khuasak thiam lonak
le hruhnak ruangah a si ahcun zahpi awk a si ko.
{Plutarch}
A sifahnak kha a langter ngam i a zahpi lomi nih a mi herhnak a hrawh, asinain
a si a fak ttung nain aa porhlaw mi cu mi sifak taktak a si.
{L.E.London}
Tlawmte ngeih (Ngeihmi tlawm) hi sifah a si lo. Duhmi tamtuk tu khi sifah cu
a si.
{Daniel}
A hmuhmi nakin a hmanmi a tam deuhmi cu misifak a si.
{Bryere}
A si a fak nain aa lungsi kho mi cu mirum a si. I zat ngeih loin rum aa zuammi
cu misifak a si, ka si a fak lai ti a phang zungzal.
{W.Shakespeare}
Ram sining a hung rawh tikah mi sifahnak kha zahpi a si i Rum hi biatak in hun
uar a si tawn.
{Colton}
Mipakhat i a lungput le a nun ziattha vialte hi sifahnak nih a hrawh dih tawn.
Zaal sanh ngeih lo ahcun dingte in dir cu a har ngai ko.
{Franklin}
Sifah hi zahpi awk a si lo nain, rianttuannak in sifah heihloh khawh a si ti
hngalh lo tu cu zahpi awk a si ko.
{Pericles}
Sifahnak hi nautat awk a si tiin ruahnak kan ngeih lawng ah nautatmi ah a cang.
Zahpi lo ding thil siternak ah a ttha bik cu sifahnak hi thil ttha lo a si tiah
ruahnak ngeih lo a si.
{Bovee}
Sifahnak nih thil a siang tawnmi kha a hnemter, tei a ma mi kha a tha a chiatter
i a tthawngmi lungthin kha a derter.
{Addison}
Rum cu pheh khawh a si nain, sifah cu pheh khawh a si lo.
{Colton}
* * * *
--------------------------------------------------------------------------------
Hornbill Mifim bia Vol. 1
5