|
|
Thathutnank cu thlarau i a ral a si.
{St.Benedic}
Thathutnak cu kan pum le kan ruahnak a hrawktu a si i, chiatnak a cawmtu le
sualnak a chuah tertu a si.
{Burton}
Thathutnak cu sifak rawl hal in vah tertu le thil ttha lo vial te i a hrampi
a si.
{Spurgeon}
Thathutnak nih sualnak le nahchuahnak a chuahpi lo ahcun thachiatnak lungdernak
a chuahpi.
{Sydney Smith}
Na tha a thut a si ahcun, rawhralnak lam ah na um cang, cu lam ahcun dinhnak
hmun a um lo, Lam ti nak hman hin lungpang ti ah a hman deuh.
{H.W.Beacher}
Harnak vialte hi thathutnak in a chuakmi an si. Zaangdam te umnak nih lungrawhnak
a chuahter.
{Franklin}
Nuncaan (Chan) hi ni tawite a si, asinain rianttuannak ni a si. Rianttuan nak
nih tthat lonak a chuahpi men ko lai nain ruanttuan lonak nihcun tthatnak a
chuah pi lo.
{Hannah, More}
Rianttuan mi cu khuachia pakhat he lawng an um i, mi thathu cu thongkhat he
an um.
{Spanish Proverb}
Thathutnak nih thil vialte a harter dih i, teimaknak nih thil vialte a fawiter.
Hnupi i thawh nak nih chun nitlak hmanh loin rian a ttuan ter, zan tiang a ttuan
ter. Thathutnak cu duhsah tein a kal tikah sifahnak nih a phak colh.
{Franklin}
Cawlcang lo in aa dilmi "ti" ah rungrul an keuh bangin, rian a yuan
lomi pa cu ruahnak ttha lo nih a luh hnawh, thathutnak cu nincan lonak caah
tilam a si i, ziaza rawhnak caah lam a ser. Zei rian hmanh ttuan awk a ngei
lomi cu an umna nih a simh colh hna.
{Collier}
A tha a thumi thluak cu Satan rianttuannak hmun a si.
{English Proverb}
Cawlcangh lo cu thihnak in a ttha lo deuh, Tlol maan a si.
{Simms}
An tha a thut lio ah Satan nih a zultu a thim hna. Zisu nih cun an rian he an
i tuai lio ah a thim hna.
{Farrendo}
Zeihmanh a tuah lomi cu zeihmanh lonak in a chia deuhmi tuah dingah timh cia
an si.
{Walts}
Thathutnak cu a nungmi vuinak a si.
{Jeremy Taylar}
Zeihmanh a tuah lomi cu zeihmanh lonak in a chia deuhmi tuah dingah timh cia
an si.
{Zimmermann}
Thathutnak cu rawhnak innka a si. Mithathu cu vanpang a ngei lomi inn le aa
lo, Satan a kenkip in a lut ko lai.
{Chaucer}
Thathutnak kha i hlenter hlah. Nihin na pek sual ahcun thaizing an fir piak
chih lai.
{Crowguill}
Thathutnak cu tthatnak le ziaza dawh vuinak a si.
{Mad.Roland}
* * * *
--------------------------------------------------------------------------------
Hornbill Mifim bia Vol. 1
5