|
|
Hi hi thihnak asi lo. A ka tthih phaih mi a thih tu a si.
{Montaigne}
Thihnak hi nunngak i a thladem bantuk a si. Thih tthan ti lo nak ding caah kan
thi.
{Herman Hooker}
Thihnak hi kan rak si lo in, hrial khawh lomi thil nuam ngaimi a si.
{Sir. Opiver Lodge}
Nun an i thawh bal lo caah micheu nih thih an ttih.
{Henry Van Dyken}
Atu Vawlei hi mithimi umnak a si i, a ra laimi vawlei cu a nungmi umnak hmun
a si.
{Tryon Edwards}
Ka thih hlan ahcun Pathian ka hmu kho lai lo, Pathian ka hmuh hnu ahcun ka thi
kho ve ti lai lo.
{Old Proverb}
Thihnak hi zungzal nunnak vancung ram siangpahrang inn hunnak sui tawh fung
a si.
{Milton}
Thihnak nih khuazakip in an bawh ko, cu caah fimhring tein nung law khoika na
um paoh ah thihnak kha i ruahchan ve ko.
{Quarles}
Thihnak nih minthannak innka a hun i, a hnulei in a ummi nahchuahnak innka kha
a khar. Thongthla pa cikcin kha a phoihpiak, sal pa i a rian kha midang kut
ah a chuan.
{Sterne}
Thihnak caah timh cia tein um rih law, thihnak zong a si ah, nunnak zong a si
ah na caah an thlum deuh lai.
{W.Shakespears}
Voikhat ah mittha pa pakhat nih a thih lai ah hi tihin a chim: "Ahlan ahcun
thihnak hi ka caah a kau ngaimi tiva bantuk a rak si, asinain atu ahcin va terek
ah a cangcang i a hlan i va terek bantuk a raksimi ka hnangamnak cu atu ahcun
a kauh lawng si loin a thuk ngaimi tiva bantuk a si cang. Pathian nih a dawtmi
hna cu an no lio ah an thi."
{Manander}
Thihnak hi hmanung bik i hngilhnak a si maw? A si lo, a hmanung bik le a donghnak
i hlauhnak a si.
{Walter Scott}
Cullen nih a thih lai ah khin hitihin a hun chim: "Cattial khawhnak le
biachim khawhnak thazaang ngei ning law ka duh ngai hnga. Thih hi a nuam ngaimi
thil a si tihi kan hmuhsak hna hnga."
{Derby}
Minung hi an sual ngai men ko lai, a sinain mi sual pawl hi an thi kho lo.
{Young}
Thihnak hi luatnak nih a thlah khawh lomi pa a luat tertu, sii nih a damh khawh
tilomi pa a dam tertu sibawi, caan nih a hnemh khawh lo mi pa hnemtu a si
{Colton}
Thihnak kha nifa tein na mit in hmu zungzal ko. A ttha lomi le aa dawhtlak lomi
ruahnak kha na ruat lai lo i zei thil hmanh fak tukin na duh kho lai lo.
{Epictetus}
Thihnak fei in i khamhnak ah Pathian rian manh lo in yuan dah ti lo cu a ttha
deuhmi thirphaw a um ti lo.
{Fuller}
Mangyha lo kan manh lio i kan i hlauh ah khin kanmah le kanmah kan i fak i kan
i lawm. Cu bantuk in kan thih tikah a si ve lai.
{Hawthome}
Thihnak le dawtnak hna hi mitthami vancung i a zuan pitu thla thlahnih an si.
{Michael Angelo}
Pathian nih a dawtmi hna cu an no lio te ah an thi. Zei can an nun kha biapi
a si lo.
{E.Hubbard}
Thinghnah nih yilh caan an ngei. Pangpar nih uai caan an ngei ko nain, Aw...
thihnak nang cu caan vialte hi na ngeih dih hna.
{Felicia Hemans}
Thihnak nih amah kha a ttih i a zamtakmi hna kha a dawi hna.
{Quintus Horace Flacus}
Miral chia cu an thih hlan ah voi tampi an thi.
{W. Shapespeare}
Thangchia ningzak i nunnak cun upat awk tlak in thih a ttha deuh.
{Cornelius Tacitus}
Zanmui nih a liam dengmi ni kha a hnamh buin, hitihin bia thli a chimh, "Keimah
hi thihnak, na nu ka si, a thar in kan hrin tthan te lai."
{Tagore}
* * * *
--------------------------------------------------------------------------------
Hornbill Mifim bia Vol. 1
5