|
|
|
|
|||||||||
|
Hi Mangnu tuanbia hi May 26 1995 i rak chuah cangmi cung in a tam deuh cu kan laak tthanmi a si. Hihi tlam a tling dih tinak cu a si lo nain hi leng hin cun kan khawm kho ti lai ti cu ka ruat kho ti lo. Hi tuanbia khawmh suatnak caah ruahnak a ka cheu tu hna; Pu Than Hmung (tleicia), Pu Lian Cuah (tleicia), Pu Thang Thluai (tleicia), Pu Khua Ceu (tleicia), Pu Tum Ling (tleicia), Pu Chan Pian (tleicia), Pu Cung Nawl (tleicia), Pu Hram Uk (tleicia), Pu Lian Khar (tleicia), Pu Ai Khorh (tleicia), Pu Khen Kio (tleicia), Rev. Mang Kio Thang (tleicia), le Pu Bawi Hu hna hna an cung ah lawmhnak chimcawk lo ka ngei. Tuanbia cu mah duh in khawmh a si lo caah kaa harh ngai ko. Tlamtlinh khawh dih zong a si lai lo ti hngalh ko bu ah, kanmah nih kan tuanbia kan theih tawk le kan pa le nih ruahnak an kan chiah taakmi hna ro caah kan chiah lo ahcun hmailei ah kan fanau pawl nih kan tuanbia hi an run thei ti sual lai lo ti ruah buin hi tuanbia cu hun khawmh le hun ttial a si. Hi tuanbia chung ah tlamtling lo mi tete an um len ko lai. Hi tlam a tlin lonak zawn tete ah, keimah (tuanbia a ttialtu) cung ah mawh phorh si ko seh law, Ca rel tu nih theih hngalh, cinken awk nan duhmi a um sual ahcun, cucu tuanbia khawmtu i aa lawmhnak bik a si ko. Hi tuanbia khawmh tthan ding le ttial tthan ding in a ka forhfial tu le Cauk in chuah ding ah ttuanvo a la tu Pa Chan Bik Lian cung zong ah lawmhnak tampi ka ngei. Hi tuanbia khawmhtthan khawhnak caah caanttha, damnak le ruahnak a ka pe tu kan Pathian cu zungzal in thangtthat si ko seh! Amen!!!
|