FIMNAKLEI

Fimthiamnak lei

Mangnu khuami nih Sianginn kai an hun i thok khawh caan cu 1930 kum ceo in a si. Sianginn a rak kai hmasa mi hna cu Pu Tluang Nawl, Pu Hram Uk, le Pu Thawng Duai hna hi Khuapi nih tangli (4th) tiang an rak kai ter hna. A hnu deuh ah Pu Cung Nawl Pu Huat Mang cu taangnga (5th) tiang an rak kai. Pu Huat Mang hi ca a thiam ngai i an saza te nih hipa hi cu paza a si, mi ah aa chuah te hrimhrim lai tiah an rak timi a si nain tangnga (5th) a cawn lio ah ruah lo piin a rak kan thih taak. Khuami nih Laica an rel khawhnak hnga Pu Hram Uk le Pu Thawng Duai nih caa an rak chimh hna.

Private Sianginn tuahnak

1974 June 1 hlan cu Kan Khua ah Sianginn a rak um lo caah khua dangdang ah rak kai a si. Cucaah cun Sianginn a kai kho lo mi zong an rak tam tuk caah Khua upa hna nih Private Sianginn tuah ding in khuakhannak an rak ngei i 1974 June 1 ni thok in Private Sianginn cu kan tuah. Sianginn caah Hmun kan rak ngeih lo caah Biakinn kan rak hman. Cachim tu caah Saza cu a tanglei bantuk in a kum he a zat he ka hun langh ter.
1. Saza Cung Awr (Ruan khua mi) (1974 June) cu thlakhat ah K 50 pek in kan rak laak.
2. Saza Thla Mang (Bualtak khuami) (1975 June) cu thlakhat ah K. 70 pek in kan rak laak. Saza Hrang Dum (Bualtak khuami) (1976 June) cu thlakhat ah K. 70 pek in kan rak laak.
3. Saza Ttial Kio (Lunghnam khuami) (1977 June) cu thlakhat ah K. 80 pek in kan rak laak.
4. Saza Ttial Kio (Lunghnam khuami) (1978 June) cu thlakhat ah K. 110 pek in kan rak laak.
5. Saza Than Hai (Hakha) (1979 June) cu thlakhat ah K. 120 pek in kan rak laak.

Bualtak ttuaiphet(Affiliated) sinak

Hilio ahhin Bualtak cu Tangli tang cozah sianginn an rak ngei cang. 1979 ahhin Mangnu cu Bualtak Tangli tang ttuaiphet (affiliated) si ding ah Bualtak i Sazaci a rak ttuan liomi Sazaci Tei Sang nih cozah sin ah a rak kan sok piak. Cucaah Bualtak ttuaiphet cun 1982 tiang a rak um. Hi lio i Cachim Saza a rak ttuan tu hna cu,
1. Sazamah Ca Zing (Aive) (1979) cu Cozah nih an kan pek. Tlawmpal a um hnu ah tinttan (training) kai ding ah a rak kan kal tak.
2. Sazamah Mah Si (Lungrang) cu Cozah nih an kan pek tthan.
3. Saza Rual Kam (Mangnu) mi cu K. 70 pek in khuami nih 1979 in 1983 tiang kan rak laak.

Ttuaiphet (Affiliated) chuh yhan hnu

1982 kum ah Bualtak khua ah Sazaci a rak ttuan liomi Sazaci Zo Hmung le Bualtak khua upa hna nih Mangnu ttuaiphet i zoh cu a si kho lo tiah an rak ti caah Sazamah Mah Si cu Bualtak ah an rak tthial tthan. Cu hnu cun Mangnu cu Private in a rak um tthan. Private a rak um lio i ca chim tu hna cu,
1. Saza Rual Kam (Mangnu) (1979 -1983 tiang K. 70, 80, 100 in kan rak laak.
2. Sazamah Dawt Ci (Mangnu) (1983) K.100 in kan rak laak.
3. Sazamah Ni Iang (Mangnu) (1983) K.50 in kan rak laak.

Private Sianginn in Cozah Sianginn ah

1974 in Mangnu Sianginn cu mah te cawlcangh nak in rak thok a si i 1984 (Kum 10 a rauh hnu) ah Pathian dawtnak thawng in le cunglei upa hna khua ttha khannak thawng in Mangnu cu Tangli tang cozah Sianginn cu pek kan hun si. Cozah Sianginn kan hmuh in nihin 2005 tiang Cozah nih Saza te an kan pek mi hna le an ttuan caan hna cu;
1. Sazamahci Mah Khin (Hakha) 1984 - 1985 cacawn kum
2. Sazamah Yuan Sung (Hakha) 1984 - 1985 cacawn kum
3. Sazamahci Hniang Cuai (Tlangpi) 1986 - 1990 cacawn kum
4. Saza Tin Cung (Hakha) 1985 - 1986 cacawn kum
5. Sazamah Zing Bor (Hakha) 1986 - 1987 cacawn kum
6. Sazamah Mah Yha (Tikir) 19874 - 1990 cacawn kum
7. Sazamah Ngeih Ciang (Tidim) 1990 - 1991 cacawn kum
8. Sazaci Cung Nawn (Tinam) 1990 - 1991 cacawn kum
9. Sazaci Than Kil (Chuncung) 1991 - 1994 cacawn kum
10. Sazamah Ca Nawn (Sakta)1991 - 1992 cacawn kum
11. Sazamah Hnem Iang (Mangnu) 1992 - 1996 cacawn kum
12. Sazamahci Mah Si (Lungrang) 1994 - (atu ca ka yial lio tiang a peh rih)
13. Sazamah Sung Khun Ttial 1996 - 1999 cacawn kum
14. Sazamah Far Ttial 1999 - 2001 cacawn kum
15. Sazamah San Ci 2001 - (atu ca ka ttial lio tiang a peh rih)

Mangnu in Tanghra a awng mi hna

A cunglei ah kan ttial cang bantukin, Mangnu khua sa nu le pa, pi le pu hna nih kumhra chung har lengmang in an rak ttanpi mi cu 1984 thok in Cozah nih hun cohlan a hung si. Private (mah tein) rak thok kaa in nihin ni tiang Sianginn kan ngeih caan a kum in kan tuak ah cun Kum 31 a tling ve cang. Cozah nih Sianginn an kan pek kum in kan rel ahcun kum 21 a tling ve cang. Hi chung ah Nu le pa, Pi le pu hna nih An rak ttan len mi cu a lak a si hrimhrim lo. Nihin ah kan zoh a si ahcun Mangnu cu Minung tlawmte kan si. Cu chung ah minung 6 hna nih tanghra an kan awn piak. Kanmi lu he kan tuak tikah zakhat ah 5 (5%) nih tanghra an kan awn piak tinak a si cu. Tanghra a awngmi hna le an awn kum;
1. Pi Dawt Ci 1983 BA(Geo) 1994
2. Pu Cung Hu 1984 BA(Q)(His) 1992
3. Nu Hnem Iang 1990 BA 1997
4. Pi Dar Iang 1993 B.Sc 2001
5. Pa Chan Bik Lian 1993 B.Th 1998
6. Pa Ngun Thang 2001